Aste honetan kaxa zahar-berritzeko lanetan gabiltza. Azkeneko jaurtiketan jaso zituen kolpeen ondorioz nahiko egoera kaxkarrean baitzegoen (5 kilometro arrastaka). Kola pixka bat hemendik, zinta pixka bat handik... eta tapa berria. Soka berriak ere jarri behar izan ditugu, aurrekoak globoak eraman zituelako.
Globo berriak ere eskatu ditugu eta zai gaude ea 2x1 egiten digute. Aenari ere baimena bidali diegu, baina ez digute ohartarazi jaso dutenik.
Animo, ekipo!!
Eta zirrarak eta nerbioak gorputzean okupak bihurtu dira. Ostiraleko planning-a prestatzen hasi gera:
7:30 Zezen plazan furgoneta hartu eta "karretera eta manta".
9:15 Valtierrako Restopean gosaria, indarrak hartzeko.
10:45 Jaurtiketarako puntura iritsi, dena prestatu eta GPS probak egin.
11:00 LAUNCH!! Trasteak bildu eta lehengo GPS irakurketak aztertu. Furgoneta hartu eta persekuzioari ekin.
13:30 Gure kaxatxoak lurra hartu beharko luke. Ea GPSa txintxo portatzen den eta azkeneko arrastoak kaxaren kokapen zehatza ematen digun
14:00 Bazkaldu eta edari bezala bi aukera: txanpaina edo malkoak.
14:30 Bueltarako bidaia.
16:15 Tolosan.
Gaur Teknoko saioan materialen zerrenda hartu eta kaxatan sartzen hasi gera. Gauza batzu oraindik falta dira, adibidez globoa puzteko erabiliko dugun tuboa, toldoa (lurrean zabaltzeko globoa puztutzerakoan) eta hainbat detaile. Gutxi falta da, animo!
Asteburu luze honetan azkeneko proba batzu egiteko aprobetxatu degu. Eskerrak honi ohartu gera GPSak ez duela seinalerik bidaltzen kaxari tapa jarriz gero. Honek bultzatu gaitu GPSaren kokapena aldatzera. Tapan zulo bat utziko degu GPSaren antenak zerua ikusi ahal izateko, oztoporik gabe. Honen arriskua zera da: kanpoko 40° azpiko horiek ea ez duten eraginik, baina ez dugu beste aukerarik.
Gaur lan hori hartu degu argazkian ikus dezakezun bezala.
